Dil-e-Dukhtar

Haye Hussaina, vaye Hussaina,
Ay haaye Sakina, aie vaaye Sakina.

Yeh rukhsat e aakhir hai pukaray shah e wala,
Aie Zainab o Kulsum Rabab aur Ruqaya,
Tum sab pay salaam akhri Allah ko sonpa,
Lipti huyi qadmoon say yeh kehti thi Sakina.

Aie kul ke madadgar madad karne ko aao,
Ya Fatima Zahra mere baba ko bachao.

Baba na kaho baba,
tum saath raho baba,
Kuch hum say suno baba,
 aagay na barho baba,
Aaram karo baba,
baray e dil e dukhtar,
Baraye dil e in dukhtar,
khaime mein chalo baba.

Aie kul ke madadgar madad karne ko aao,
Ya Fatima Zahra mere baba ko bachao.


Mein jan gayi baba,
pehchan gayi baba,
Qurbaan gayi baba,
talwaroon mein jao gay,
Phir tum bhi na aao gay,
baraye dil e dukhtar,
Baraye dil e dukhtar,
tum hum ko na tarpana.

Aie kul ke madadgar madad karne ko aao,
Ya Fatima Zahra mere baba ko bachao.

Baba aie mere baba,
lazim hai agar jana,
Yeh hum say karo wada,
jab shab ka ho san’nata,
Aur meri sada suna,
baraye dil e dukhtar,
Baraaye dile dukhtar,
tum lot kay aa jana.

Aie kul ke madadgar madad karne ko aao,
Ya Fatima Zahra mere baba ko bachao.

Sheh bolay Sakina jaan,
sou jaan say main qurban,
Is tarha na ho giryan,
eik wada nibhana hai,
Eik qarz purana hai,
baraye dil e dukhtar,
Baraay e dil e baba,
tum aaj dua karna.

Aie kul ke madadgar madad karne ko aao,
Ya Fatima Zahra mere baba ko bachao.

Pursa hai paye e maula,
Rehan o Ali Jee ka,
Kartay the haram noha,
Sarwar nay kaha baiti,
Sa’at hai judayi ki,
baraay e dil e dukhtar,
Baraay e dil e baba,
maqtal na chali aana

Aie kul ke madadgar madad karne ko aao,
Ya Fatima Zahra mere baba ko bachao.

http://www.youtube.com/watch?v=2eikeay9Uf4 [ Listen to this nauha ]