Gunji Hai Karbala Mein (2009)

Gunji hai karbala mein akbar teri azaa'n

Shabbir ki nigaah mein hai ab dhua dhua

gunji hai karbala mein akbar teri azaa'n

Shabbir ki nigaah mein hai ab dhua dhua

Saj dhaj ke khaima gaah se nikla ali ka chaand..(2)

lene lagi balae'n akbar ki bibiyaa'n

shabbir ki nigaah mein hai ab dhua dhua

Bete ko dekh lete the nana ki yaad par..(2)

akbar chale jo rann ko to tadpe shahe zamaa'n

shabbir ki nigaah mein hai ab dhua dhua

Zainab khuda ke waste laila ko thaam lo..(2)

maqtal se leke aata hu ab laasha e jawaa'n

shabbir ki nigaah mein hai ab dhua dhua

Kya tum chupa rahe ho meri jaan kuch kaho..(2)

kyu is tarha ragadte ho ae laal ediyaa'n

shabbir ki nigaah mein hai ab dhua dhua

Maqtal se aai zainab e muztar lahu mein tarr..(2)

roodaad e ghum sunati hai chehre ki surkhiya'n

shabbir ki nigaah mein hai ab dhua dhua

Sehra na dekh paaye jawaa'n saal tum gaye..(2)

armaan khaak mein mila roti hai bibiyaa'n

shabbir ki nigaah mein hai ab dhua dhua

Qalbe hussain zainab o laila bhi chid gaya..(2)

khakar sina ka phal gaye duniya se meri jaa'n

shabbir ki nigaah mein hai ab dhua dhua