Haye Hussain, Pyaase Hussain

Haaye hussain pyaase hussain..(4)

1) Damishk me jo aseero ka khafela pahoncha
Yazeede nahes ne darbar me bula bheja
Bahen se sheh ki shahadat ka waqeya poocha
Tadap ke binte Ali ne yazeed se ye kaha

Zamee ki god me Islam ka sitara hai..(2)
Mere gareeb ko lakho ne milke mara hai

Haaye hussain pyaase hussain

2) Kaha yazeed se Zainab ne aye sitam aara
Ghazab kiya tere lashkar ne roze ashora
Mere Hussain ko jangal me gher kar maara
Ali ka kardiya barbaad ghar ka ghar saara

Jo bekafan hai abhi tak nabi ka pyaara hai
Mere gareeb ko lakho ne milke mara hai

Haaye hussain pyaase hussain

3) Suhaag ujda kisi ka kisiki kook jali
Kisi ka jalgaya daman rida kisi ki chini
Kisi ki maang me karbobala ki qakh mili
Nabi ki aal hai zinda me ya Ali madadi

Laee ne sibte payember ka ghar ujada hai hai
Mere gareeb ko lakho ne milke mara hai

Haaye hussain pyaase hussain

4) Wo mere aaono Mohammed wo mere noore nazar
Mai tujhko doondho kahan bezaban Ali Asghar
Batao bibiyo roun mai aaj kiskis par
Shaheed hogaye abbas khasim o Akbar

Jahan mai Zainab dilgeer be sahara hai
Mere gareeb ko lakho ne milke mara hai

Haaye hussain pyaase hussain

5) Ye ranjo gham sitamozor aur jafa kabtak
Rasool zadiyan balwe me berida kabtak
Rahegi qaid me aulade murtuza kabtak
Nabi ki aal pe ye zulme narewa kabtak

Mujhe to maut hi alam me ab gawara hai
Mere gareeb ko lakho ne milke mara hai

Haaye hussain pyaase hussain 

6) Na marte marte kisi ek ko mila pani
na bekaso ke kareeb aaya bewafa pani
tadap ke reh gaye bache na mil saka pani
wo tadpe pani ko unpe tadapgaya pani

zameen jalti hai aur zarra ek sharara hai
Mere gareeb ko lakho ne milke mara hai