Sadaat pyaase reh gaye..(3)
paani piyo to yaad karo pyaas imam ki
pyaaso sabeel hai ye shaheedo'n ke naam ki
paani piyo to yaad karo pyaas imam ki
pyaaso sabeel hai ye shaheedo'n ke naam ki
1. Khanjar tale hussin ko pani nahi mila
pyaaso karo qubool ye tohfa hussain ka
chahat hai ye hussain alaihis salam ki
pyaaso sabeel hai ye shaheedo'n ke naam ki
2. Jannat mein kar chuka hai khuda jiska ehtemam
kausar rakha hai aayat e kausar mein jiska naam
jageer ye sabeel hai bara(12) imam ki
pyaaso sabeel hai ye shaheedo'n ke naam ki
3. Aati hai is sabeel pe ujdi wo bibiya'n
yaani ali o fatima zahra ki betiya'n
ye baargah bhi hai shahe tishna kaam ki
pyaaso sabeel hai ye shaheedo'n ke naam ki
4. Pani ka intezaar sakina se puchiye
asghar ki maa, rabab e hazina se puchiye
rasme sabeel jisne zamane mein aam ki
pyaaso sabeel hai ye shaheedo'n ke naam ki
5. Jab karbala shanawar o salman jaaenge
pyaaso ke naam par waha'n paani pilayenge
zahra ki naukri hai ye khidmat imaam ki
pyaaso sabeel hai ye shaheedo'n ke naam ki
Comments
Post a Comment