Haye Abbas Ki Behno Ne

Haye abbas ki behno ne na paayi chadar
sham tak naize pe deti thi duhayi chadar

Jiske baba ne udhayi thi rida kaabe ko
uski beti ko kisi ne na udhayi chadar
haye abbas ki...

Bas yehi kehti thi abbas ke sar se zainab
mere bhai mere bhai mere bhai chadar
haye abbas ki...

Sharm se chup gayi sajjad ke peeche zainab
hind zindan may jo odhay huwe aayi chadar
haye abbas ki...

Paon khat dete rahe door talak bachi ke
shimr ne aise sakina se chudaayi chadar
haye abbas ki...

Gir padi khaak pe abbas ki maa sadme se
apne baazu se jo zainab ne hatayi chadar
haye abbas ki...

Haye rote huwe zainab ne kiya shukre khuda
sar pe sughra ke nazar jis ghadi aayi chadar
haye abbas ki...

Zindagi may na udha paye magar abid ne
qabr par bali sakina ki udhayi chadar
haye abbas ki...

Mir sajjad jo loota hua asbaab mila
pehle sajjad ne aankhon se lagayi chadar
haye abbas ki...