Zainab Madine Jaati Hai

zainab madine jaati hai kya kya liye huwe

aankhon may karbala ka nazara liye huwe
ehsaas may hussain ka laasha liye huwe
ashkon may khoon e zakhme tamanna liye huwe
abbas ke alam ka pharera liye huwe
zainab madine jaati....

teero se chaak chaak hai sarwar ka pairahan
abbas ka libaas wo akbar ka pairahan
dooba huwa hai khoon may asghar ka pairahan
bano ke sheer-khaar ka jhoola liye huwe
zainab madine jaati....

gardan ka tauq abid e muztar ki bediyan
kuch bediyon ke daagh to durro ke kuch nashan
cheeni huwi sakina ke kaano ki baliyaan
nanhi si ek bachi ka sadma liye huwe
zainab madine jaati....

karbobala may lut gaya gulzar e panjetan
pamaal dasht e kee may hua dilbare hassan
pehne huwe hai bewa ki poshak ek dulhan
qasim bane ke maathe ka sehra liye huwe
zainab madine jaati....