Batool Ro Pari Fizza Ko

Jo Dard Fatima Ne Ali Se Chupaye Hain.
Tanhai Mein Kaneez Ko Apni Sunaye Hain.
Batool Ro Parin Fizza Ko Yeh Batatay Hoye.

Hasan Ne Dekha Hai Mujh Ko Tamachay Khatay Hoye.
Batool Ro Parin Fizza Ko Yeh Batatay Hoye.

Na Jane Kya Kiya Zalim Ne Fatima Pe Sitam.
Zaeef Ho Gayi Beti Rasool Ki Ik Dam.
Sand Ke Tukron Ko Darbar Mein Uthatay Hoye.
Batool Ro Parin Fizza Ko Yeh Batatay Hoye.

Main Aaj Shehar-e-Madina Ko Hi Mita Doon Gi.
Agar Ali Ko Na Chora Tu Bad Dua Doon Gi.
Kaha Batool Ne Sar Se Rida Hatatay Hoye.
Batool Ro Parin Fizza Ko Yeh Batatay Hoye.

Jo Mujh Pe Guzri Hai Mujh Se Na Ho Sakay Gi Bayaan.
Woh Dekho Ab Bhi Hain Dewar Par Lahu Ke Nishaan.
Main Dekhti Hoon Inhein Roz Aate Jate Hoye.
Batool Ro Parin Fizza Ko Yeh Batatay Hoye.

Bataya Sab Ko Jo Mafhoom Hai Wilayat Ka.
Labhoon Pe Shikwa Na Bint-e-Rasool Ki Aaya.
Ali Ali Hi Kiya Taziyane Khatay Hoye.
Batool Ro Parin Fizza Ko Yeh Batatay Hoye.

Woh Mujh Se Chup Ke Meri Bekasi Pe Rota Hai.
Khiyal Rakhna Yeh Nazuk Mizaj Beta Hai.
Mere Janazay Se Shabeer Ko Hatatay Hoye.
Batool Ro Parin Fizza Ko Yeh Batatay Hoye.

Abu Al-Hasan Ko Tha Patkay Se Main Ne Thama Howa.
Magar Laeen Ne Durray Se Youn Mujhe Mara.
Zameen Pe Gar Gayi Fizza Main Larkharatay Hoye.
Batool Ro Parin Fizza Ko Yeh Batatay Hoye.

Baroz-e-Hashar Main Mehdi Ko Yeh Bataon Gi.
Tamam Pasliyaan Tooti Hain Iss Liye Meri.
Laeen Ne Mara Tha Thokar Se Aate Jate Hoye.
Batool Ro Parin Fizza Ko Yeh Batatay Hoye.

Mera Fareza Nibhaye Gi Ladli Meri.
Ghiray Ga Sholon Mein Jis Waqt Aik Our Ali.
Chaley Gi Aag Pe Zainab Ossay Bachatay Hoye.
Batool Ro Parin Fizza Ko Yeh Batatay Hoye.

Padar Ki Qabar Pe Akbar Woh Ro Ke Kehti Thi.
Hifazat Aap Ne Mujh Ko Ali Ki Sonpi Thi.
Tamachay Main Ne Hain Khaye Unhein Bachatay Hoye.
Batool Ro Parin Fizza Ko Yeh Batatay Hoye.