Kisney Yateem Zainabo Kulsum Ko Kiya

Qatle Ali Ki Aati Hai Aflak Se Sada
Kisney Yateem Zainabo Kulsum Ko Kiya
Kisne Yateem Zainab O Kulsum Ko Kiya

Jibreal Ki Suni Jo Hi Awaaz Dil Karaar X2
Betaab Hoke Bibiyaan Karne Lagi Buqaa
Kisney Yateem Zainabo Kulsum Ko Kiya

Jaakar Toh Dekho Masjide Kufa Mei Main Nisaar X2
Hasnain Se Zainabo Kulsum Ne Kaha
Kisney Yateem Zainabo Kulsum Ko Kiya

Pahuche Pisar Jo Dodhte Masjid Mei Be Hawa X2
Dekha Pidar Ko Khoon Mei Tar Sar Shigaafta
Kisney Yateem Zainabo Kulsum Ko Kiya

Maimoona Umme Haani Khadija O Fatema X2
Kehti Thi Kisne Roze Mein Baba Pe Ki Jafa
Kisney Yateem Zainabo Kulsum Ko Kiya

Yaa'n Bibiyon Ka Ghar Mei Tha Is Ghaam Se Gairehaal X2
Maa Betiyo Ki Girya Se Ek Hasr Tha Bapa
Kisney Yateem Zainabo Kulsum Ko Kiya

Ummul Hasano Warmalaa Zainab Ke Saath Saath X2
Dar Par Thi Muntazir Mile Baba Ka Kuch Pata
Kisney Yateem Zainabo Kulsum Ko Kiya

Shehzadiya Nikal Ne Ko Hain Ghar Se Nange Sar X2
Maula Ko Ghar Mei Le Chalo Fizza Ne Di Sada
Kisney Yateem Zainabo Kulsum Ko Kiya

Pahunche Ali Ko Leke Pisar Jab Kareebe Dar X2
Uss Waqt Ka Hai Raawiyon Ne Waqeyaa Likha
Kisney Yateem Zainabo Kulsum Ko Kiya

Thame Thi Beti Paao'n Sambhale Thi Koi Sar X2
Kuch Kar Rahi Thi Seena Zani Naala O Buqa
Kisney Yateem Zainabo Kulsum Ko Kiya

Jarrha Ko Talab Kiya Woh Aaya Khushkhisaal X2
Dekha Jo Zakhme Sar Ko Toh Sar Peetne Laga
Kisney Yateem Zainabo Kulsum Ko Kiya

Karte Wasiyatei'n Kabhi Ho Jaate The Khamosh X2
19 Aur 20 Ka Din Iss Tarha Kata
Kisney Yateem Zainabo Kulsum Ko Kiya

Ekeesvi Sayaam Ka Kis Tarha Ho Bayaa'n X2
Kufe Mei Ek Qayamate Sughra Hui Bapa
Kisney Yateem Zainabo Kulsum Ko Kiya

Phatte The Sine Bewa Yaateemo'n Ke Bain Se X2
Har Ghar Me Ali Yaa Aliya Ki Thi Sada
Kisney Yateem Zainabo Kulsum Ko Kiya

Nauha Ka Haq Ada Na Howa Hai 'Anees' Se X2
Kuch Soz Iske Nauha Mei Kardijiye Ataa
Kisney Yateem Zainabo Kulsum Ko Kiya