Maajaayi Hai Zainab, Dukh Paayi Hai Zainab

Maajaayi hai Zainab dukh paayi hai Zainab
Aye laasha-e-beysar tera sar laayi hai Zainab

Sar nangay thi mein zauja-e-haakim joonhi aayi
Zindaan mein kya Hind sey sharmaayi hai Zainab
Maajaayi hai Zainab dukh paayi hai Zainab

Qaidi bani sar nangay phiree dum nahin maara
Sab aapka farmaan bajaa laayi hai Zainab
Maajaayi hai Zainab dukh paayi hai Zainab

Marthay huvey tum jisko mujhey soump gaye thay
Us laadli ko shaam mein kho aayi hai Zainab
Maajaayi hai Zainab dukh paayi hai Zainab

Zaalim ney chardee maari labboun par jo tumhaarey
Khamoosh khadi ghaiz mein thar-raayi hai Zainab
Maajaayi hai Zainab dukh paayi hai Zainab

Ab saath mujhey qabr mein leylijiyo bhaayi
Duniyaa kay bahoth ranj sey ghabraayi hai Zainab
Maajaayi hai Zainab dukh paayi hai Zainab