Karbala Mein Aapka Ghar Lut Gaya Haye Ali

Karbala me aapka ghar, lut gaya haye Ali (×3)

Sar khule girya kuna hai, Fatima, haye Ali.

Karbala me aapka ghar, lut gaya haye Ali (×2) ~ x2

Saamne Aun o Muhammad, ke they lashey jis ghadi (×2)

Shukr ka sajda adaa Zainab waha karti rahi,

Aun o Mohammed (×3)

Bhai par beto, ko fidya kardiya haye Ali,

Karbala me aapka ghar, lut gaya haye Ali (×2)

Ran mein jab 13 baras ka, aaya ibne Mujtaba (×2)

Har taraf se zaalimo ne, milke yu hamla kiya,

Ya Qasim (×3)

Jism bhi paamal uska, kardiya haye Ali,

Karbala me aapka ghar, lut gaya haye Ali (×2)

Hum shabeehe Mustafa shabbir ka noore nazar (×2)

Dilbare Zainab tha woh Laila ka tha laqte jigar,

Ya Akbar (×3)

Jis ke seene, me sina ka, phal raha haye Ali,

Karbala me aapka ghar, lut gaya haye Ali (×2)

Jab shaheedo ke sarro ko, naizo par laaya gaya (×2)

Dekhne waalo ka dil bhi, dard se phatne laga,

Ya Asghar (×3)

Ek sar nanha sa naize, par chadha haye Ali,

Karbala me aapka ghar, lut gaya haye Ali (×2)

Jiski khaatir aapne khaliq se maangi thi dua (×2)

Baazu e shabbir woh Zainab ki dharas bawafa, 

Ya Abbas (×3)

Nehr par shaane kataa kar, sogaya haye Ali,

Karbala me aapka ghar, lut gaya haye Ali (×3)

Iss qadar pursa pidar ka, ek yateema ko mila (×2)

Shimr ke zulmo sitam bachi ko sab sehna padha,

Ya Sakina (×3)

Chin gaye us ke gohar kurta jala haye Ali,

Karbala me aapka ghar, lut gaya haye Ali (×3)

Sar barehna joh kabhi aayi na zeyre aasmaan (×2)

Lut gayi chadar howi be aas jheli sakhtiyaa,

Ya Zainab (×3)

Maangti thi, raah mein woh, ek rida haye Ali,

Karbala me aapka ghar, lut gaya haye Ali (×3)

Sunke Shahid ro rahe honge farishte ba khuda,

Goonjti hogi lahad mein, jab yeh awaaz e Aza,

Ya Abbas (×3)

Jaa rahi hogi Najaf tak, yeh sada haye Ali

Karbala me aapka ghar, lut gaya haye Ali (×3)