Khaak par laasha e Shabbir hai aao Nana (x2)
Kya yahi ajr e risalath hai bataao Nana,
Khaak par laasha e Shabbir hai aao Nana (x2)
Bhai be ghusl o kafan dasht e bala mein hai pada (x2),
Paas mayyath ke udhaane ko nahi hai rida (x2),
Ab koi raah nawasi ko dikhao Nana,
Khaak par laasha e Shabbir hai aao Nana (x2)
Zulm beemaar pa dhaane ke liye aaye hai (x2),
Ashqiya tauq pinhane ke liye aaye hai (x2),
Ghash ke aalam mein hai Sajjad bachao Nana,
Khaak par laasha e Shabbir hai aao Nana (x2)
Koi humdard nahi koi sahara bhi nahi (x2)
Dashte zulmath mein koi poochne waala bhi nahi (x2)
Ab ghareeboun pe taras aap hi khao Nana,
Khaak par laasha e Shabbir hai aao Nana (x2)
Thak ke soye hai badi deyr mein pyaase bache (x2)
Dashte tareek mein ab kaun hai joh pehra de (x2)
Mere Ghazi mere Abbas ko lao Nana,
Khaak par laasha e Shabbir hai aao Nana (x2)
Aap ke laal pa tooti hai qayamat dekho (x2)
Qatl ke baad bhi ummat ki adawat dekho (x2)
Laash pamaali ki zad par hai bachao Nana,
Khaak par laasha e Shabbir hai aao Nana (x2)
Baap ko ro nahi sakti hai Sakina apne (x2)
Sehmi sehmi si hai masoom tamaache khaake (x2)
Shimr ke zulm se bachi ko chudao Nana,
Khaak par laasha e Shabbir hai aao Nana (x2)
Sar pe kunbe ki hifazat hai ka hai zimma pehle (x2)
Saamna shaam e ghareebaan ka karungi kaise (x2)
Hausla do meri himmat ko badao Nana,
Khaak par laasha e Shabbir hai aao Nana (x2)
Hashr rone ki sada se hai andhere bun mein (x2)
Seena e shah se lipti hai Sakina run mein (x2)
Baap ki laash se beti ko chudao Nana,
Khaak par laasha e Shabbir hai aao Nana (x2)
Baandhne aaye hai zaalim mere baazu mein rasan (x2)
Kab se awaaz lagati hai musibat mein behen (x2)
Bhai soya lab e darya hai jagaao Nana,
Khaak par laasha e Shabbir hai aao Nana (x2)
Bain Sadiq yeh behen ke the larazti thi zameen (x2)
Rone wala mere bhai pa yahan koi nahi (x2)
Aao ab farsh e aza aake bichao Nana,
Khaak par laasha e Shabbir hai aao Nana (x2)
Comments
Post a Comment