Akbar Teri Behna Ko Teri Yaad Satati Hai
Veeran Haveli Me Beemaar Bulati Hai
Akbar Tera Vaada Tha Me Lene Ko Aunga
Bin Tere Meri Behna Sehra Na Sajaunga
Kapde Teri Shaadi Ke Hamsheer Banati Hai
Veeran Haveli Me Beemaar Bulati Hai
Zakhmi Tha Tera Seena Kal Khaab Me Dekha Tha
Kuch Aag Ke Shole The...
Jalta Hua Jhoola Tha
Is Khaab Ki Sughra Ko Taabeer Rulati
Akbar Teri Behna Ko Teri Yaad Satati Hai
Khat Bheja Na Khud Aaye Kya Baat Hui Bhaiyya
Main Des Me Tanha Hun... Pardes Me Hai Kunbaa
Din Mujhko Rulate Hain
Shab Mujhko Darati Hai
Akbar Teri Behna Ko Teri Yaad Satati Hai
Beemar Shifa Paaye Akbar Jo Mera Aaye
Bin Apne Masiha Ke...Ghut Ghut Ke Na Marjaye
Dhadkan Tere Aane Ki Bas Aas Bandhati Hai
Akbar Teri Behna Ko Teri Yaad Satati Hai
Bhoole Nahi Bhulenge Asghar Ke Wo Ghum Buray
Ab Jiski Judaayi Me Chhe Maah Jo Hue Poore
Sughra To Tassawur Me Jhoole Ko Jhulati Hai
Akbar Teri Behna Ko Teri Yaad Satati Hai
Naasir Mere Nauhe Me Irfan Ki Kavish Hai
Haider Ki Shifaat Hai Zehra Ki Sifaarish Hai
Tanzim E Hussaini Har Majlis Ko Sajati Hai
Veeran Haveli Me Beemar Bulati Hai
Akbar Teri Behna Ko Teri Yaad Satati Hai
Comments
Post a Comment