Maajayi Hai Zainab Dukh Paayi Hai Zainab
Aye Laasha E Be Sar Tera Sar Laayi Hai Zainab
Sar Nangey Thii Mai Zauja E Haakim Jun Hi Aayi
Zindan Mein Kya Hind Se Sharmayi Hai Zainab
Qaidi Bani Sar Nangey Phiri Dam Nahin Maara
Sab Aapka Farmaan Baja Laayi Hai Zainab
Martey Huwe Tum Jisko Mujhe Sounp Gaye The
Us Laadli Ko Shaam Mein Kho Aayi Hai Zainab
Zalim Ne Chhadi Maari Laboun Per Jo Tumhare
Khamoosh Khadi Ghaiz Mein Tharrayi Hai Zainab
Ab Sath Mujhe Qabr Mein Le Lejio Bhai
Duniya Ke Bohat Ranj Se Ghabrayi Hai Zainab
Comments
Post a Comment