Jab Tak Hai Daur E Aasmaan - Sunle Yeh Har Peer O Jawaan
Aawaaz Per Shabbir Ki Chalta Rahe Yeh Karwaan
Rukne Na Paaye Yeh Qadam - Ooncha Rahe Apna Alam
Har Qalb Per Chhatey Chalo -Duniya Ko Batlate Chalo
Ek Ek Mahaze Zulm Ki Tasweer Dikhlatey Chalo
Har Dil Mein Bhardo Sheh Ka Gham - Ooncha Rahe Apna Alam
Kab Tak Na Maanega Koyi - Woh Waqt Aayega Kabhi
Har Qalb Per Chha Jayega Apna Hussain Ibn E Ali
Duniya Rahey Zair E Qadam - Ooncha Rahe Apna Alam
Jab Bhi Koyi Mushkil Padi - Duniya Isi Dar Per Jhuki
Seenoun Se Bal Khakar Idhar Utthi Sada E Ya Ali
Nikla Udhar Baatil Ka Dam - Ooncha Rahe Apna Alam
Yeh Parcham E Abbas Hai - Tootey Diloun Ki Aas Hai
Ab Tak Isi Parcham Taley Zinda Kisi Ki Pyaas Hai
Jisne Sahey Laakhoun Sitam - Ooncha Rahe Apna Alam
Abbas Hai Naam E Wafa – Aaghaz O Anjam E Wafa
Munh Mordh Ke Dariya Se Jo Peeta Raha Jaam E Wafa
Hotey Rahey Baazu Qalam - Ooncha Rahe Apna Alam
Zinda Hai Hal Min Ki Sada - Mith Ta Nahin Khoon Ka Likha
Shabbir Ke Haq Ki Qasam Ek Moajeza Hai Karbala
Yeh Silsila Hoga Na Kam - Ooncha Rahe Apna Alam
Jab Karbala Yaad Aayegi - Insaniyat Sharmayegi
Mazloom Ki Awaaz Hai Dil Mein Utar Ti Jayegi
Paltenge Phir Behke Qadam - Ooncha Rahe Apna Alam
Aye Naujawanan E Aza - Tum Ho Kisi Dil Ki Duwa
Ta-Hashr Uthti Hi Rahey - Seenoun Se Maatam Ki Sada
Qayam Rahey Akbar Ka Gham - Ooncha Rahe Apna Alam
Comments
Post a Comment