Haye Hussain, Haye Hussain
Shimr Ne Gardan E Mazloom Pe Khanjar Jo Rakha
Kuchh Qadam Door Se Deti Rahi Zainab Ye Sada
Aakhri Baar Bahen Choom Le Bhai Ka Gala
Shimr Khanjar Na Chala
Jod Kar Haath Ye Kehti Rahi Bint E Zahara
Shimr Khanjar Na Chala
Aakhri Baar Bahen Choom Le Bhai Ka Gala
Shimr Khanjar Na Chala
Teer Jee Bhar Ke Ise Maar Chuka Hai Lashkar
Barchhiyan Pahlu Me Tooti Hain Sitam Aur Na Kar
Khud Hi Aa Jayegi Kuchh Der Mein Bhai Ko Qaza
Shimr Khanjar Na Chala
Aakhri Baar Bahen Choom Le Bhai Ka Gala
Shimr Khanjar Na Chala
Aakhri Mujhse Mulaqat Use Karni Hai
Aisa Lagta Hai Koi Baat Use Karni Hai
Kitni Hasrat Se Mujhe Dekh Raha Hai Bhaiya
Shimr Khanjar Na Chala
Aakhri Baar Bahen Choom Le Bhai Ka Gala
Shimr Khanjar Na Chala
Minnaten Karti Hoon Zalim Teri Aisa Tu Na Kar
Asr Ke Waqt Mere Ghar Me Andhera Tu Na Kar
Shaam Se Pehle Bujhaata Hai Charagh E Zahra
Shimr Khanjar Na Chala
Aakhri Baar Bahen Choom Le Bhai Ka Gala
Shimr Khanjar Na Chala
Ye Dil O Jaan E Rasool E Arabi Hai Zalim
Saath Mazloom Ke, Ye Be Adabi Hai Zalim
Misl E Quran Hai Ye Zaanu To Seene Se Hata
Shimr Khanjar Na Chala
Aakhri Baar Bahen Choom Le Bhai Ka Gala
Shimr Khanjar Na Chala
Sun Ke Halmin Ki Sada Aayi Hai Rann Me Bachchi
Chal Na Jaaye Kahin Donon Pe Layeen Teri Chhuri
Dekh Bhai Ke Gale Par Hai Sakina Ka Gala
Shimr Khanjar Na Chala
Aakhri Baar Bahen Choom Le Bhai Ka Gala
Shimr Khanjar Na Chala
Kaat Kar Shaam Hi Le Jaane Hain Sar Tujhko Agar
Pher Le Aun O Mohammad Ke Galon Per Khanjar
Mere Bhaiya Ke Na Kar Jism Se Tu Sar Ko Juda
Shimr Khanjar Na Chala
Aakhri Baar Bahen Choom Le Bhai Ka Gala
Shimr Khanjar Na Chala
Dekh Sakta Nahi Tu Jo Nazar Aata Hai Mujhe
Wasta Deti Hoon Tatheer Ki Aayat Ka Tujhe
Haath Amma Ne Hai Shabbir Ki Gardan Pe Rakha
Shimr Khanjar Na Chala
Aakhri Baar Bahen Choom Le Bhai Ka Gala
Shimr Khanjar Na Chala
Kaat Kar Sajde Mein Akbar Shahe Wala Ka Gala
Shimr Hansta Hua Shabbir Ke Seene Se Utha
Goonjti Rah Gayi Maqtal Mein Ye Zainab Ki Sada
Shimr Khanjar Na Chala
Masha allah
ReplyDelete