Sughra Se Bayan Karte They Yeh Syyede Wala Aye Fatima Sughra
Beti Koyi Beemar Safar Mein Nahin Jaata Aye Fatima Sughra
Ab Mere Tasawwur Mein Khuda Jaane Hai Kya Kya Mai Tujhse Kahun Kya
Mai Karbobala Mein Hoon Tera Naama Bar Aaya Aye Fatima Sughra
Sun Meri Dukhiya Aye Fatima Sughra
Qasid Se Yeh Ro Ro Ke Bayan Karta Hoon Ahwaal Hai Gham Se Bura Haal
Yawar Hai Na Ab Koyi Madadgar Hai Mera Aye Fatima Sughra
Sun Meri Dukhiya Aye Fatima Sughra
Woh Pyaas Ki Shiddat Hai Yeh Behta Huwa Dariya Paani Nahin Milta
Do Roz Se Pyaasa Hai Muhammad Ka Nawaasa Aye Fatima Sughra
Sun Meri Dukhiya Aye Fatima Sughra
Sab Mar Gaye Qasim Hai Na Abbas Na Akbar Taraaj Huwa Ghar
Ab Sajda E Mabood Mein Sar Mera Katega Aye Fatima Sughra
Sun Meri Dukhiya Aye Fatima Sughra
Aafath Ka Safar Hai Yeh Musibath Ka Safar Hai Ghurbath Ka Safar Hai
Jaoon To Kahan Jaoon Samajh Mein Nahin Aata Aye Fatima Sughra
Sun Meri Dukhiya Aye Fatima Sughra
Sab Mar Gaye Aazar Hai Dushman Hai Zamana Waada Hai Nibhana
Kya Guzregi Mujh Per Yeh Bata Bhi Nahi Sakta Aye Fatima Sughra
Sun Meri Dukhiya Aye Fatima Sughra
Mai Chhord Ke Jaata Hoon Tujhe Aye Meri Dukhtar Kyun Hoti Ho Muztar
Aayenge Tujhe Lene Ko Akbar Tere Bhayya Aye Fatima Sughra
Sun Meri Dukhiya Aye Fatima Sughra
Aata Hoon Mai Awaara Watan Apne Watan Se Is Ranj O Mehan Se
Ab Sabr Ki Manzil Se Guzarna Hi Padega Aye Fatima Sughra
Sun Meri Dukhiya Aye Fatima Sughra
Sughra Se Yeh Kehte They Kaleem Hazrat E Shabbir Aur Zainab E Dilgeer
Marzi Hai Jo Allah Ki Woh Ho Ke Rahega Aye Fatima Sughra
Sun Meri Dukhiya Aye Fatima Sughra
https://www.youtube.com/watch?v=zsm1BFCBT6g
Comments
Post a Comment