Jab Karbala Ki Raah Ko Chalne Lage Hussain
Rukhsat Jo Maa Ki Qabr Se Hone Lage Hussain
Mehshar Bapa Tha Bain Jo Karne Lage Hussain
Awaaz Ayi Maa Ki Na Ro Mere Dil Ke Chein
Jayega Tu Jahan Me Tere Sath Aungi
Ay Laal Ab Lehad Ma Kahan Chain Paongi
Paala Hai Pees Pees Ke Chakhi Sambhalna
Aye Karbala Na Dekh Mera Ghar Ujaarna
Bete Ka Khoon Maa Hoon Kahan Dekh Paungi
Ay Laal Ab Lehad Ma Kahan Chain Paongi
Tukro Me Lash Kese Jawan Ki Uthayega
Qasim Ki Maa Ko Kese Yeh Manzar Dikhayega
Chadar Me Soch Kar Toh Yehi Sath Laungi
Ay Laal Ab Lehad Ma Kahan Chain Paongi
Bazu Kate Jo Bhai Ke Toh Khud Ko Sambhalna
Kese Tu Kar Sakega Sakina Ka Saamna
Zainab Ko Kese Be Ridai Se Bachaungi
Ay Laal Ab Lehad Ma Kahan Chain Paongi
Aye Laal Akhri Jo Tera Imtehan Ho
Hatho Mein Tere Aik Jo Nanhi Si Jaan Ho
Asghar Ko Tere Goud Meain Apni Chupaungi
Ay Laal Ab Lehad Ma Kahan Chain Paongi
Zakhmon Se Choor Choor Jo Maidan Me Jayega
Bete Mera Naseeb Mujhe Kia Kia Dikhayega
Manzar Me Teri Maout Ka Kese Bhulaungi
Ay Laal Ab Lehad Ma Kahan Chain Paongi
Khanjar Jo Tere Khushk Gale Pe Chalayenge
Zainab Ke Bain Or Bhi Mjhko Rulayenge
Matam Toh Sar Khol Ke Mein Tera Manaungi
Ay Laal Ab Lehad Ma Kahan Chain Paongi
Shaame Ghareeba Or Qayamat Uthayegi
Zainab Na Jab Sakina Ko Khaimo Mein Payegi
Mein Goud Me Sakina Ko Apni Sulaungi
Ay Laal Ab Lehad Ma Kahan Chain Paongi
Mehshaar Me Rizvi Saare Masaib Btaungi
Abbas Ke Kate Hue Baazu Bhi Laungi
Aye Joan Sabko Bhej Ke Jannat Main Jaungi
Ay Laal Ab Lehad Ma Kahan Chain Paongi
Comments
Post a Comment