Sadme Uthaa Rahi Hun Main Baba Tumhaare Baad

sadme uthaa rahi hun mai baba tumhaare baad 

darbaar jaa rahi hun mai baba tumhaare baad 

 

baabaa ye faatemaa pe musibat kaa waqt hai 

ye marhalaa kathan hai qayaamat kaa waqt hai 

khutbaa sunaa rahi hun mai baba tumhaare baad 

 

koi mujhe bataaye ke kyaa hai meraa kusur 

sadmaa ye hai ke shehr ki aabaadiyon se dur 

aansu bahaa rahi hun mai baba tumhaare baad 

 

baabaa tumhaare baad ye mujh par sitam huwaa 

mohsin meraa shahid huwaa waa musibataa 

ye gham uthaa rahi hun mai baba tumhaare baad 

 

baabaa gharib beti ki ghurbat to dekhlo 

ummat ne haq nahin diyaa binte rasul ko 

ye ajr paa rahi hun mai baba tumhaare baad 

 

zulmat ki har naqaab ko rukh se hataa ke aaj 

darbaar men laeen ke khutbaa sunaa ke aaj 

haq ko bachaa rahi hun mai baba tumhaare baad