zindaan main sakina abid se keh rahi hai
dam ghut raha hai bhaiya yeh raat aaKhri hai
jala mere kurta cheene gooshwaray
sitam gar ne mujh ko tamaache hain maare
sataate hain mujh ko yeh baba ke qatil
yeh dukhiya dukhi aur kis ko pukaare
baba ke qatiloon se hargiz qafan na le na
hai yeh meri wasiyaat khwahish meri yehi hai
sakina pe bhaiya katthan yeh huwi hai
aseeri jo mujh per musibat badi hai
watan yaad aata hai bhaiya chalo ghar
madine ki rahoon pee sughra khadi hai
har shaam yeh parinde jaate hain apne ghar ko
kab jaoongi watan main ro kar wo poochti hai
zameen par main zindaan ki soti hu baba
main ashkon se daman bhi dhooti hu baba
khudara mujhe paas apne bulaalo
judaa ho ke tum se main roti hoon baba
sadiyan guzar chuki hain ab bhi har ek mohib ko
zindan say siskiyoon ki aawaaz aa rahi hai
Comments
Post a Comment