Ek Nanhi Si Lehad (Mir Hassan Mir)

Ek Nanhi Si Lehad Ran May Banate Hai Hussain

Khaak May Doosre Mohsin Ko Chupate Hai Hussain

Daalte Jaate Hai Asghar Ke Badan Par Mitti

Aur Qaimo Ki Taraf Dekhte Jaate Hai Hussain

Ek Nanhi Si Lehad ...

Marte Dam Nanhe Se Haathon Ne Jise Thaama Tha

Ab Wo Daaman Ali Asghar Se Churate Hai Hussain

Ek Nanhi Si Lehad ...

Laashe Hurr Ne Kaha Rumaal Ye Dedo Jaa Kar

Zakhm Baysheer Ka Haathon Se Chupate Hai Hussain

Ek Nanhi Si Lehad ...

Dhoondne Aayenge Is Laash Ko Naiza Bardaar

Chup Ke Bano Se Ye Zainab Ko Batate Hai Hussain

Ek Nanhi Si Lehad ...

Kaha Sughra Ne Ke Mar Kar To Miloongi Sheh Se

Mujhko Maloom Hai Har Qabr May Aate Hai Hussain

Ek Nanhi Si Lehad ...

Laashe Abbas Pa Kehti Thi Ye Zehra Roke

Utho Abbas Tumhe Kabse Bulaate Hai Hussain

Ek Nanhi Si Lehad ...

Koi Zainab Ko Bula Laaye Takallum Jaa Kar

Barchi Akbar Ke Kaleje Se Churate Hai Hussain

Ek Nanhi Si Lehad ...