Gham Sakina Ko Mile Itne Musalmano Se
Mar Gayi Par Na Kabhi Haath Hatay Kaano Se
Shaam Jaate Hue Naaqe Se Giri Yun Bachi
Mashk Ghazi Ki Giri Jaise Kate Shano Se
Gham Sakina Ko Mile ...
Chaunk Ut'ti Thi Madine May Ye Keh Kar Bano
Koi Awaaz Mujhe Deta Hai Veerano Se
Gham Sakina Ko Mile ...
Kitni Berahmi Se Zaalim Ne Utaare Wo Gohar
Sheh Ne Beti Ko Jo Pehnaye Thay Armaano Se
Gham Sakina Ko Mile ...
Mujhko Kurte May Hi Dafnana Sakina Ne Kaha
Mat Kafan Maangna Ay Bhai Musalmano Se
Gham Sakina Ko Mile ...
Koi Ghairat May Unhe Dekh Ke Khoon Rota Hai
Rista Rehta Hai Lahoo Aaj Bhi Jin Kaano Se
Gham Sakina Ko Mile ...
Sab Chale Jaate Hai Shabbir Ko Rokar Akbar
Ek Bachi Nahi Jaati Hai Azakhano Se
Gham Sakina Ko Mile ...
Comments
Post a Comment