Haye Gareeb Ul Watan

Haye Gareeb Ul Watan Ay Aseer E Mehan

Alwida Alwida Alwida Ay Hussain Alwida

Naizon Pe Sar Kaat Ke Haye Chadaya Gaya

Ghodon Se Paamal Tan Tera Karaya Gaya

Loot Ke Sab Maal O Zar Qaima Jalaya Gaya

Haye Gareeb Ul Watan ...

Bibiyon Pe Jis Khadar Karte Thay Aada Jafa

Utna Hi Saydaniya Karti Hai Aah O Buka

Dashte Jafa May Yehi Goonj Rahi Thi Sada

Haye Gareeb Ul Watan ...

Baandhi Jafa Kaaron Ne Shaano May Kas Kar Rasan

Kis Tara Hamsheer De Bhai Ko Apne Kafan

Cheen Li Sar Se Rida Hogayi Bebas Behan

Haye Gareeb Ul Watan ...

Bali Sakina Ke Jab Shimr Ne Cheene Gohar

Khoon Baha Is Qadar Hogaya Sab Kurta Tar

Kehti Thi Aao Chacha Waqt E Madad Hai Pidar

Haye Gareeb Ul Watan ...

Hathkadi Aur Bediyan Tauq E Giran Baar Hai

Kitna Aseere Mehan Abid E Beemar Hai

Lashkare Jor O Sitam Jaane Ko Tayyar Hai

Haye Gareeb Ul Watan ...

Godh Se Bache Sabhi Raahon May Girte Rahe

Dab Ke Sidhaare Jina Naaqon Ke Paon Talay

Maa'on Ne Ye Daagh Bhi Apne Jigar Par Sahe

Haye Gareeb Ul Watan ...

Kar Gayi Zindan May Jab Se Sakina Qaza

Ranj O Alam Hogaya Aal E Nabi Ka Siwa

Laashe Se Lipti Hui Karti Thi Bano Buka

Haye Gareeb Ul Watan ...

Tum Ko Rehaai Ka Laal Kis Khadar Armaan Tha

Utho Sakina Chalo Hukme Rehaai Mila

Jaate Hai Zindan Se Pehle Suye Karbala

Haye Gareeb Ul Watan ...

Marqad E Shabbir Par Jab Ke Nazar Ja Padi

Binte Ali Pusht Se Naaqe Se Ran May Giri

Karti Hui Bain Ye Ghutniyon Ke Bal Chali

Haye Gareeb Ul Watan ...

Saath Imanath Ko Mai Laa Na Saki Pur Mahan

Bhai Bahot Sharminda Hai Ye Tumhari Behan

Bali Sakina Ko Bhi De Na Saki Mai Kafan

Haye Gareeb Ul Watan ...

Tumpe Anees E Imam Binte Ali Ka Salaam

Bhai Bhatije Sipar Jaane Shahe Tashna Kaam

Nasir E Deene Khuda Haamid E Aali Maqaam

Haye Gareeb Ul Watan ...