Luti Duniya Ali e Murtuza Ki

Luti Duniya Ali e Murtuza ki

Shahadat ho gayi hai Saiyyada ki

Luti Duniya Ali e Murtuza ki

Khadija Khuld mein nauha kuna hai

Duhai de rahe hai woh Khuda ki

Luti Duniya Ali e Murtuza ki

Mila Bagh e Fidak ka dil ko sadma

Sitam yeh aur Mohsin ne qaza ki

Luti Duniya Ali e Murtuza ki

Hai gham mein mubtila Rooh e Payambar

Lahed tharra rahi hai Mustafa ki

Luti Duniya Ali e Murtuza ki

Mile zakhmo pa usko zakhm itne

Zaroorat thi bohut jisko dawa ki

Luti Duniya Ali e Murtuza ki

Tha mayyat par yahi Zainab ka nauha

Saza paaye hai humne kis khata ki

Luti Duniya Ali e Murtuza ki

Kaha Hasnain ne qabr e Nabi par

Arey Nana meri Maa ne qaza ki

Luti Duniya Ali e Murtuza ki

Ba waqt e ghusl e mayyat roye Haider

Shikasta pasliya thi ahiliya ki

Luti Duniya Ali e Murtuza ki

Na le kar jaiyea Madar ko meri

Padar se betiyon ne ilteja ki

Luti Duniya Ali e Murtuza ki

Madina ro raha tha khoon ke aasoo

Uthi mayyat jo ghar se Fatima ki

Luti Duniya Ali e Murtuza ki

Musmalmano na maaro iss pa patthar

Ke mayyat hai yeh bint e Mustafa ki

Luti Duniya Ali e Murtuza ki

Gham e Zehra mein girya ho rah hai

Muharram hai safo mein Ambiya ki

Luti Duniya Ali e Murtuza ki

Rasool e Paak ka gulshan hai zad mein

Sitam ki aag hai aisi bala ki

Luti Duniya Ali e Murtuza ki

Gham e Sheh par Raza kyu kar na roye

Haqiqat jaante hai Karbala ki

Luti Duniya Ali e Murtuza ki