Wasi E Mustafa Ka Kul Ke Maula Ka Janaza Hai
Amaama Jiska Khoon May Bhar Gaya Uska Janaza Hai
Ye Hyder Ka Janaza Hai
Janaze Se Lipat Kar Betiyan Behaal Hoti Hai
Tadap Kar Zainab O Kulsoom Ka Rona Batata Hai
Ye Hyder Ka Janaza Hai
Wasi E Mustafa Ka ...
Qayamat Dha Rahi Hai Aaj Tak Uneeswi Ramzan
Jo Ab Har Saal Hi Ekeeswi Ramzan Ko Uth'ta Hai
Ye Hyder Ka Janaza Hai
Wasi E Mustafa Ka ...
Uthaate Hai Na Jaane Kis Tarha Baba Ki Mayyat Ko
Ghamon Ki Raah Par Ye Sarwar O Shabbar Ka Nauha Hai
Ye Hyder Ka Janaza Hai
Wasi E Mustafa Ka ...
Ali Ka Khoone Na-Haq Keh Raha Hai Daastan Gham Ki
Jo Barpa Hai Zamane Bhar May Wo Matam Ye Kehta Hai
Ye Hyder Ka Janaza Hai
Wasi E Mustafa Ka ...
Yehi Ghul Hai Yateemon Ka Sahara Uth Gaya Haye
Ye Dooba Gham May Har Majboor Ka Bekas Ka Chehra Hai
Ye Hyder Ka Janaza Hai
Wasi E Mustafa Ka ...
Julooson May Uthaate Hai Jo Hum Taboot Hyder Ka
Hamari Aankh Se Phir Ashke Gham Ye Kehke Behta Hai
Ye Hyder Ka Janaza Hai
Wasi E Mustafa Ka ...
Hai Turbat Fatema Zahra Ki Haye Sog May Doobi
Zameen Par Arsh Par Nauha Ye Saare Ambiya Ka Hai
Ye Hyder Ka Janaza Hai
Wasi E Mustafa Ka ...
Kise Maloom Hai Kya Dukh Mila Hai Soghwaron Ko
Kisi Ko Kya Khabar Kis Dil Se Ye Izhaar Likhta Hai
Ye Hyder Ka Janaza Hai
Wasi E Mustafa Ka ...
Comments
Post a Comment