Abid Ki Nigaho’n Me Har Karb Ka Manzar Hai

-
Yalghaar Hai Ghodo’n Ki Aur Qasim-E Bepar Hai
Tooti Huwi Barchhi Hai Aur Seena-E Akbar Hai
Hulqoome Ali Asghar Aur Teer-E Sitamgar Hai
Naize Ki Bulandi Hai Aur Phool Sa Ik Sar Hai
Abid Ki Nigaho’n Me Har Karb Ka Manzar Hai

Hai Aalame Tanhaai Aur Zulm Ka Lashkar Hai
Nargha Hai Laeeno Ka Aur Jaane Payambar Hai
Tegho’n Se Badan Zaqmi Aur Teero’n Ka Bistar Hai
Shabbir Ki Gardan Hai Aur Shimr Ka Khanjar Hai
Abid Ki Nigaho’n Me Har Karb Ka Manzar Hai

Uthti Huwi Talware’n Chalte Huwe Naize Hain
Sab Zakhme Badan Goya Mashko’n Ke Dahaane Hain
Har Simt Se Hamle Hain Abbas Akele Hain
Pyaase Ka Sare Zakhmi Aur Gurze Sitamgar Hai
Abid Ki Nigaho’n Me Har Karb Ka Manzar Hai

Karbal Ke Biyaba’n Me Aasaar Hain Mehshar Ke
Bikhre Huwe Maida’n Me Laashe Hain Bahattar Ke
Zainab Ki Nigaho’n Me Sab Zakhm Hain Sarwar Ke
Jalti Huwi Reti Hai Aur Laasha-E Besar Hai
Abid Ki Nigaho’n Me Har Karb Ka Manzar Hai

Khamosh Biyaba’n Hain Aur Shaame Ghariba’n Hai
Har Aankh Me Ashko’n Ka Thehra Huwa Toofa’n Hai
Bewo’n Ka Yatimo’n Ka Ab Koun Nigehbaa’n Hai
Jalte Huwe Khaime Hain Chhinti Huwi Chaadar Hai
Abid Ki Nigaho’n Me Har Karb Ka Manzar Hai

Bazar Me Sar Nange Ahmed Ka Gharana Hai
Jakda Huwa Rassi Me Har Bibi Ka Shana Hai
Is Haal Me Zainab Ko Darbar Bhi Jana Hai
Har Simt Tamashaai Zainab Ka Khula Sar Hai
Abid Ki Nigaho’n Me Har Karb Ka Manzar Hai

Hain Pushte Sakina Par Durro’n Ke Nasha’n Saare
Kano’n Se Luhu Jaari Rukhsar Bhi Hain Soojhe
Zakhmo’n Me Jalan Jaise Bharde Koi Angaare
Har Lamha Tamaanche Hain Har Gaam Pa Mehshar Hai
Abid Ki Nigaho’n Me Har Karb Ka Manzar Hai

Darbar Me Qaidi Hai Aulad Payambar Ki
Sar Tasht Me Sarwar Ka Kaisi Ye Adaawat Thi
Honto’n Pa Shahe Dee’n Ke Zalim Ne Chhadi Rakhi
Zainab Ki Nazar Har Dam Bhai Ke Labon Par Hai
Abid Ki Nigaho’n Me Har Karb Ka Manzar Hai

Wo Sajda-E Shukrana Hangaame Qayamat Me
Chalta Raha Kaanto’n Par Jo Dhoop Ki Shiddat Me
Rote Hain Sada Ahsan Ham Jiski Muhabbat Me
Uske Liye Nazrana Ashko’n Ka Samandar Hai
Abid Ki Nigaho’n Me Har Karb Ka Manzar Hai

Comments

Post a Comment

Popular posts from this blog

Rone Ke Liye Kaafi Hai Sajjad Tera Naam

-
Rone ke liye kaafi hai Sajjad Tera naam sajjad haye sajjad Asir-e-bekara bimar-e-na tawan wo budha sa jawan wo ghairat ka jahan chala hai shamko luta ke aashiyan  dikhane chal padha raahe haq ka nishan tha roya khun kyu bimaar e sarbaan bhare baazar me  bhare darbaar me rahi hai berida nabi ki betiyan sajjad haye sajjad haye sajjad Tu shahensha e dard hai,batla rahi hai shaam Rone ke liye kaafi hai Sajjad Tera naam Chala bekaso ka kaarvan, bimaar logo saarban, hai sang sare oriya, shahe lafata ki betiya, karbobala ke dasht me, barpa hai Kohraam Rone ke liye kaafi hai Sajjad Tera naam Tu shahensha e dard hai,batla rahi hai shaam Rone ke liye kaafi hai Sajjad Tera naam Zainab pukari bewatan, bhai mera hai bekafan, karde ise koi dafan, mere haatho me baandhi rasan, Hye kaise suna Hoga bimaar ne paigham Rone ke liye kaafi hai Sajjad Tera naam Tu shahensha e dard hai,batla rahi hai shaam Rone ke liye kaafi hai Sajjad Tera naam Masturo me ek mard hai, ghairat se chehra zard hai, kar...
Read more

Andhere Andhere Yateemo Se Chup Kar

-
Zehra... zehra.. zehra... zehra... Andhere andhere yateemo se chup kar sare qabr e zehra ali ro rahe hai Ya zehra, ya zehra Tumhari musibat bhulaunga kaise mai bachho se aasu chupaunga kaise tumhe yaad karke jo royenge bachhe mai bachho ko apne manaunga kaise tasawwur mein zehra se karke ye baatein jhukaye sar apna ali ro rahe hai Ya zehra, ya zehra kabhi aasuo'n ko chupati hai zainab kabhi bhaiyo ko uthati hai zainab kabhi ghar ke aangan mein aati hai zainab kabhi maa ke hujre mein jaati hai zainab kabhi roke dukhiya ye karti hai nauha utho amma fizza ali ro rahe hai Ya zehra, ya zehra Utho shahzadi hua hai andhera tumhare bina wo kaha'n so sakega mai jaunga wapas to bolega baba meri maa kaha'n hai bula do khudara akele jalakar charagh aasuo'n ka sare qabr e zehra ali ro rahe hai Ya zehra, ya zehra Hai shehre nabi mein samaa karbala ka na koi tasalli na koi dilasa taraste hai ghar mein yatiman e zehra koi aake deta nahi inko pursa hussain o hasan ka kahi'n par hai ...
Read more

Haye Haye Zainab, Haye Haye Shaam

-
(Bazaar-e-shaam, Darbaar-e-shaam, Bazaar-e-shaam, Darbaar-e-shaam) x4 (Haey Haey Zainab Haey Haey Shaam) x2 Bazaar Saja hai aur Zainab bechadar (Haey Haey Zainab Haey Haey Shaam) x2   1. Rahon mein log sharabi aur bint-e-Ali faryadi Ik chadar mangarahi hai ummat say syed zaadi Aur log tamashi aaey hain bankar (Haey Haey Zainab Haey Haey Shaam) x2 Bazaar Saja hai aur Zainab bechadar Haey Haey Zainab Haey Haey Shaam   2. Har soo napaak nigahein aur aal-e-nabi ki aahein Sang baari karnay aaey sab log sajakar rahein Is ghum say haram hain cina zan Noha gar (Haey Haey Zainab Haey Haey Shaam) x2 Bazaar Saja hai aur Zainab bechadar Haey Haey Zainab Haey Haey Shaam   3. Yeh kaisi qayamat aai taqdeer kahan par laai Har zakhm saha hai dil par har chot jigar par khaai Yeh shaam ki galiyan kehtin hain ro ro kar (Haey Haey Zainab Haey Haey Shaam) x2 Bazaar Saja hai aur Zainab bechadar Haey Haey Zainab Haey Haey Shaam   4. Abbas ki khuwa...
Read more